محمد سامي

المقالة مش مقالة للتعريف بالخدمة الرقمية، كتير منا يمكن بيستخدمها كل يوم وعارف ان من مبادئ الخدمة الرقمية انها خدمة ممكن تطلبها من خلال الانترنت بغض النظر بتطلب معلومة بتعمل معاملة او بتدفع اشتراك، يعني تدخل على موبيلك او الكومبيوتر بتاعك وتروح على مكان الخدمة وتقدمك طلبك وتستفيد من الحصول عليها من غير اي تعب او مجهود، يعني ولا تنزل من بيتك ولا تروح مصلحة حكومية او شركة خدمية ولا تقابل موظف يرخم عليك ولا اكن بيعمل معاك واجب ولا تقف طابور ولا غيره. مفروض في دقايق من بيتك او من اي مكان وتكون مخلص.

طبعا امثلة كتير بنشوفها لكن المشكلة ان الي بيحصل في تصميم وتنفيذ الخدمات ديه بتخلي الناس تفقد الثقة في الخدمة الرقمية وبترجع وبتشوف انه اسهل انها تعمل نفس بالطرق العادية التقليدية لانها مش واثقة اذا الخدمة هاتيجي مظبوطة ولا لأ. وده هدف المقالة هو ايه الي تخده في اعتبارك وانت بتصمم خدمة رقمية.

وده لعده أسباب، بس انا كاتب المقالة ديه لأي حد بيصمم وبيحول خدمة من خدمة تقليدية لخدمة رقمية علشان ياخدها في عين الاعتبار ان امكن. التطوير طبعا جميل وخطوة مهمة ومالا يترك كله لا يأخد جله. لكن المشكلة الاساسية ان الناس بتنسى اساسيات وبينسوا يتخيلوا العميل الي هيطلب الخدمة ويستفيد منها احتياجاته ايه، وايه تطلعاته ويجربوا الخدمة من وجه نظر المستخدم قبل ما ينفذوها علشان التأكد ان كل شيء تمام.

طيب ايه الاسباب في تراجع مستوى بعض الخدمات الرقمية الحالية:

ازاي تخلي اي مشروع يفشل بكل سهولة

متستغربوش من العنوان زي ما في ناس كتير بتهدف انها تنجح المشروعات وبتكون عايزة تعمل تغيير حقيقي يفيد المؤسسة او الشركة او الجهة الي شغالين فيها وعملائها في ناس كتير بتبقى بتفكر ازاي تفشل المشروعات من وهو فكرة علشان كده انا حبيت اسهل على الناس ديه تعرف الخطوات المظبوطة علشان تخلي المشروع فاشل بشكل اسرع ومتضيعش وقت الناس الي بتكون عايزة تنجح المشروع. المقال طبعا هو مقال ساخر الهدف منه اننا ناخد بالنا من الأخطاء الي ممكن نقع فيها وتأثر على نجاح المشروعات من غير ما نقصد.

البيانات الي عندي سرية جدا

ده كان رد أحد المسؤولين ومتخذي القرار منذ أكثر من عشرة أعوام عندما كنت أحاوره في امكانية استضافة نظام داخلي في احدى الشركات المتخصصة في خدمات الاستفاضة. وكان هذا الرد بمثابة إغلاق للحوار

ومازال هذا الجواب يتم تردده في جميع القطاعات من قطاع حكومي وقطاع بنكي وقطاع اقتصادي وشركات خاصة

بالتأكيد سرية البيانات والمعلومات وتأمينها من اهم الضروريات، بل اصبحت جزء أساسي لا يتجزأ في مراحل تصميم اي منظومة مستحدثة او لتشغيل منظومة حالية ومن اعمدة التحول الرقمي. ويجب تأمين هذه البيانات بما يضمن عدم اختراقها والتلاعب بها أو وصلها لأطراف او اشخاص مش مصرح ليهم الاطلاع عليها بشكل عام إذا كانوا داخل الجهة أو الشركة أو خارجها

كمان البيانات وحدها وتكوينها وتجميعها بجوده من اهم اصول وممتلكات المؤسسات في عصر تكنولوجيا المعلومات علشان بتمكن الجهات والشركات من إعداد تقارير واستنباطات مختلفة بتساعدهم في التخطيط وتحسين التشغيل وإدارة الأعمال واتخاذ القرارات بناء على البيانات

ولكن يبقى هناك مجموعة من الاسئلة التي يجب الرد عليها والتي لا تتعارض مع مبدأ التأمين أو مبدأ استخدام خدمات مثل خدمات الحوسبة السحابية او حتى الاستضافة لدى الغير